എങ്ങിനെയാ കടലുണ്ടായത്?

ഭൂമിയുണ്ടായ സമയത്തു ഭൂഗോളത്തിലെ ഊഷ്മാവ് വളരെ ഉയര്‍ന്നതായിരുന്നു . അന്ന് ഭൂമിയില്‍ വെള്ളം ഇല്ലായിരുന്നു.

"നീരാവിയായി പോലും? "

ഇല്ല. ഹൈഡ്രജനും ഓക്സിജനും അത്രയും ഉയര്‍ന്ന ചൂടില്‍ സംയോജിക്കില്ല.

"എന്നിട്ട്? "

ക്രമേണ ചൂടു കുറഞ്ഞു വന്നു. ഹൈഡ്രജനും ഓക്സിജനും സംയോജിച്ച് ജലമുണ്ടായി. താഴെ വീണ വെള്ളം ചൂടു കൊണ്ടു നീരാവിയായി മുകളിലേക്കുയര്‍ന്നു. മേഘമായി മഴയായി താഴേക്ക്, വീണ്ടും മുകളിലേക്ക്. ഭൂമിയുടെ ഉപരിതലം തണുത്തു . തുടര്‍ച്ചയായി മഴ പെയ്തു. വെള്ളം താഴ്ന്ന പ്രദേശങ്ങളിലേക്ക് ഒഴുകി . ആ ചാലുകളാണ് പുഴകള്‍. വെള്ളം കെട്ടിക്കിടന്ന ഭാഗങ്ങള്‍ സമുദ്രങ്ങളായി.

അച്ഛന്റെ കൈ പിടിച്ച് മോള്‍ കടലിലേക്കിറങ്ങി.